هەرێم و ڕۆژهەڵاتی ناوەڕاست
پۆلیسی فیدراڵیی عێراق ١٣ تۆمەتبار لە سێ پارێزگا دەستگیر دەکات
فەرماندەیی پۆلیسی فیدراڵیی عێراق ڕایگەیاند، لە میانی ئۆپراسیۆنێکی پێشوەختەی ئەمنیدا کە ئێوارەی ڕۆژی هەینی لە پارێزگاکانی بەغدا، مەییسان و بەسرە بەڕێوەچوو، ١٣ تۆمەتباری داواکراو بەپێی ماددە یاساییە جیاوازەکان دەستگیرکران. ئۆپراسیۆنەکە لەسەر ڕاسپاردەی فەرماندەی پۆلیسی فیدراڵی، فەریق محەممەد قاسم ئەلفەهد ئەنجام دراوە.