دۆزینەوەی دەرمانێکی نوێ بۆ چارەسەرکردن و بەرەنگاربوونەوەی بەکتریای مەترسیداری مقاوم بۆ دژەباکتریاکان

بەکتریا مقاومەکانی وەکو ئاکینتۆباکتەر باومانی (CRAB) بوونەتە یەکێک لە مەترسە گەورەکانی جیهان بۆ تەندروستی گشتی، بەتایبەت کە بژاردەکانی چارەسەرکردنیان زۆر سنوردارن و بۆ ماوەی زیاتر لە پەنجا ساڵە هیچ پۆلێکی نوێی دژەباکتریا بۆ ئەم مەبەستە نەگەیشتوەتە نەخۆشەکان. لە توێژینەوەیەکی نوێدا، زانایان توانیویانە دەرمانێکی نوێ لە جۆری پیپتایدی مەکرۆسایکلیک (MCP) بدۆزنەوە و پەرەی پێ بدەن کە چالاکییەکی بەهێزی دژەباکتریایی دژی بەکتریای CRAB هەیە. میکانیزمی کاری ئەم دەرمانە بریتییە لە ڕێگریکردن لە گواستنەوەی لایپۆپۆلیساخارید لە پەردەی ناوەوە بۆ پەردەی دەرەوەی بەکتریا لە ڕێگەی ئیفلیجکردنی کۆملگەی LptB2FGC. یەکێک لە کاندیدە کلینیکییە سەرکەوتووەکان لەم پۆلە دەرمانە بە ناوی زۆسۆرابالپین (zosurabalpin) توانایەکی بەرچاوی هەیە بۆ چارەسەرکردن و زاڵبوون بەسەر جۆرە مقاوەمە توندەکانی ئەم بەکتریایەدا لە تاقیگە و لە مۆدێلی مشکدا، کە ئەمەش هیوایەکی گەورە بۆ چارەسەری نەخۆشەکان دەڕەخسێنێت [Nature](https://www.nature.com)